幾年前住喺沙田河畔嘅廣東人小廚，上過電視又上過雜誌，最出名嘅一定係佢地火熱動感自家燒烤炭爐！不過由於食環捉得太勁，小店慘被趕絕，自上年開始重出江湖，不過由於未有酒牌，潮友可以喺對面7仔買夠先嘆「燒肉、啤酒」，戰鬥碗就係喺呢度搵到架喇！
喺香港食串燒，通常都食廚房燒好嘅，潮友喺呢度絕對感受到無限自由度，自己鋸窿嘅木枱中間放咗大大個長型炭爐，瓦煲打邊爐同網燒單打雙打都係由PND自己決定！風味特別濃！
由於可以自己炭燒，唔識燒嘅話，醒目同專業嘅店員都會幫你燒，當然唔少得叫埋串燒和牛粒$28/串、燒活元貝$38/隻、原條燒茄子$38(蒜蓉牛油芝麻全齊)啦！呢度燒美國石蠔$108/半打比廣島蠔更加鮮甜同肥美，一隻等如出面兩隻咁大！燒白鱔$38一串係PND& friends全晚數一數二最想encore嘅野，外脆內軟仲好多汁！美國肥牛肉$128一碟，好味！
日本紫心蕃薯$18一個好大個好香 覺得乾咗啲？順便叫返個蕃茄薯仔大眼雞鍋$138，非常足料，條魚長到木蓋都冚唔到，個湯底主要用嚟打邊爐，不過由於湯底煲足成晚，接近3個鐘，條魚幾近煮成蓉咁滯，PND好奇畢咗一羹嚟飲，嘩咗一聲，真係非常鮮甜！
#PND沙田 #PND港式 #PND火鍋 #PND燒烤
Mon-Sun 07:00-01:00
@沙田崗背街全輝中心8號地下
（沙田圍站）行過去，或者搭的士搭跳一次錶到，四五個潮友share就抵！
Search